Ислом Каримов номидаги Тошкент давлат техника университети "Фан ва тараққиёт" давлат унитар корхонаси илмий ва илмий-педагогик кадрлар тайёрлашга алоҳида эътибор қаратмоқда. 1998 йилда "Фан ва тараққиёт" ДУК қошида Д.067.50.01 ихтисослашган кенгаши ташкил этилган бўлиб, унда 02.00.16 - "Композит материаллар кимёси ва технологияси", 05.02.01 - "Машинасозликда материалшунослик" , 05.17.09 - "Локлар, бўёқлар ва органик қопламалар технологияси" ва 05.17.12 - "Резина ва каучук технологияси" мутахассисликлари бўйича номзодлик ва докторлик диссертатсиялари ҳимоя қилинган эди. 2013 йилда Ўзбекистон Республикаси Олий Аттестатсия Комиссияси томонидан Умумий ва ноорганик кимё институтида Ўзбекистон Миллий университети кимё ва полимерлар физикаси илмий-техник маркази, Тошкент кимё технологиялари институти ва Тошкент давлат техника университети учун К/Т.14.01 рақамли Илмий кенгашлар қайта ташкил этилди. Ушбу Илмий кенгашнинг 02.00.07 - Композит, бўёқлар ва лаклар ва резина материаллар кимёси ва технологияси” ихтисослиги бўйича илмий семинар "Фан ва тараққиёт" давлат унитар корхонасида олиб борилди.
2017 йилдан бошлаб Ислом Каримов номидаги ТДТУ қошидаги "Фан ва тараккиёт" давлат унитар корхонасида 02.00.07 - "Композицион, лок-бўёқ ва резина материаллар кимёси ва технологияси" ва 05.02.01 - "Машинасозликда материалшунослик. Қуймакорлик. Металларга термик ва босим остида ишлов бериш. Қора, рангли ва ноёб металларнинг металлургияси (йўналиши – материалшунослик ва металлургия)” мутахассисликлари бўйича илмий даражаларни бериш бўйича DSc.27.06.2017.К/Т.03.01 Илмий Кенгаши иш бошлади. 2020 йил январ ойида Илмий кенгашнинг коди DSc03/30.12.2019.К/Т.03.01 га ўзгартирилди.
